Album de Fotos

miércoles, 30 de septiembre de 2015

Comezamos o curso 2015-2016

Despois doutro ano con numerosas actuacións. Este Sábado voltamos a carga de estudar para seguir mellorando e perfeccionando o noso estilo.

Como escola, a nosa labor e ensinar os rapaces na nosa cultura galega. Por iso, comezamos un novo curso cos mellores mestres e cun novo e ambicioso proxecto, feito para o disfrute de todos.


Contacta no 676 462 694 para consultar a nosa programación e os nosos horarios.
O noso local de ensaio está sito no colexio San Narciso. Contamos con instalacións adecuadas para o ensaio, tanto musical coma danza.

Haberá clases de:

- Gaita
- Percusión
- Baile tradicional

Tanto en nivel de iniciación coma perfeccionamento.
Temos precios populares, non atoparás mellor oferta. Chama sen compromiso para informarte.

Mestres: 
- Gaita: Cristobal Prieto e Adrián Insua. Abarcarán solfeo, aprendizaxe musical e perfeccionamiento da gaita.
- Percusión: Miguel Fraguas (Miguel Tenorio) que iniciará ós rapaces nos ritmos tradicionais e formará con novas técnicas os máis avezados.

O horario das clases distribuirase os Venres de tarde e os Sábados de mañanciña.

domingo, 7 de junio de 2015

Os nenos necesitan a música para o seu desenrolo persoal e ésta lle aporta certos beneficios coma a aprendizaxe, concentración, seguridade, expresión corporal. Ademáis a música ten o don de acercar ás persoas, axúdandolles a convivir con outros rapaces.

A música de Antonio Fernández busca que os rapaces poidan interactuar uns cos outros seguindo as premisas anteriores e comunicándose nun idioma que puideran falar todos á vez, apoiándose e axudándose para o final expresar todos algo fermoso en conxunto.

A Asociación Artístico Cultural “Os Chaneiros”, coa colaboración do Concello de Marín  ten o orgullo de poder volver a honrar a memoria, e destacar a súa figura, do noso ben querido cofundador e compositor do propio Grupo de Gaitas, Don Antonio Fernández Rodríguez.

Coa meta de seguir perpetuando o Memorial e co fin de rememorar os maravillosos intres de anos pasados, xa se está a preparar o “III Memorial Antonio Fernández” cos fins de recordar o seu nome e ensalzar a súa obra, non só polos veciños de Marín, senón tamén en toda Galicia.

{As cancións de Antonio Fernández estaban compostas na súa gran maioría para rapaces, polo que o concurso irá enfocado a estes pequenos artistas.}
                                                                       

O Concurso celebrarase o Domingo 12 de Xullo na Alameda Rosalía de Castro de Marín, Pontevedra. 


E recordámos tamén que xunto co concurso celebrarase o Festival do Memorial.

MODALIDADE 


  Cuartetos de gaitas e percusión tradicional galega.

CATEGORIAS


Nesta edición do concurso establécese unha sóa categoría. Esta categoría estará composta por membros dentro das idades que se mencionan:

 Categoría única: Entre 8 e 20 anos.


A Organización do Concurso resérvase o dereito de crear máis categorías en función das solicitudes recibidas.

REQUIRIMENTOS

 Os grupos participantes deberán entregar a ficha de inscripción  debidamente cumprimentada.
Deberá disporse en todo momento dun documento acreditativo no que se reflictan os datos dos participantes. Os documentos será o DNI ou ,no seu defecto,o Libro de familia. Deberanse traer os orixinais por sea Organización require do seu contraste.

 Os datos dos participantes estarán protexidos pola Lei de Protección de datos e a organización poderá dispor deles.
Tamén deberán entregar a ficha de cesión de dereitos de imaxe, tendo que ser firmado polos pais/titores dos rapaces. Co fin de obter un arquivo gráfico, a organización realizará fotografías e videos do concurso. Estes documentos gráficos poderán ser empregados pola organización para mostrar ó público, así como para a elaboración de carteis e publicidade dos eventos que se realicen.

CRITERIOS

  • O xurado terá presente os seguintes criterios de cualificación:
  • Afinación e interpretación
  • Dificultade da peza
  • Orixinalidade das pezas, sempre respetando os patróns das pezas orixinais.
  • A Organización pode chegar a desestimar a realización do Concurso polo número de participantes inscritos, para así asegurar a equidade e competitividade.

PREMIOS

Terán dereito a trofeo e premio en metálico segundo a súa clasificación. Tamén teranse en conta as colaboracións dos distintos patrocinadores do acto.
  •  Primeiro Premio: Trofeo e 200 €
  •  Segundo Premio: Trofeo e 100 €
  •  Terceiro Premio: Trofeo
  • Os dez primeiros cuartetos serán gratificados con 40 € en concepto de achega para os gastos de
    desprazamento.
  

martes, 7 de abril de 2015

Comezamos a tempada 2015

Despois de varios meses de traballo, Os Chaneiros estreamos nova tempada de actuacións

Moitos ensaios en tódalas seccións: gaita, percusión, baile, cantareiras, coro...; garanten a boa imaxe que vai presentar o grupo neste 2015 e aseguran un espectáculo de ameno e de calidade para que todos e todas poidan desfrutar da cultura galega, a cal defendemos con orgullo respectando as tradicións o máis fielmente posible.

  • Comezamos o sábado 4 de Abril, coa actuación do noso cuarteto nos actos da Liberación da vila de Marín das tropas napoleónicas no ano 1809. A presencia de Os Chaneiros xa forma parte deste evento e garante o toque tradicional.



  • O luns de Pascua, 6 de Abril, Os Chaneiros actuaron na romería de San Cibrán en Tomeza, dando boa mostra das cancións e bailes preparadas durante o inverno.










Na procesión
    De concerto. Foto: Macame Pereira
Noticia en Pontevedra Viva                                  

Proximas actuacións:

  • O sábado 11 de Abril estaremos no "XX Festival de Baile Rexional" en Noalla, Sanxenxo, organizado pola Asociación Cultural "Airiños da Lanzada" a partires das 18:00. 




  • O domingo 12 de Abril participaremos no "Peter's Room" que este ano terá a sede en Marín, na Praza de Abastos.

"Peter´s Room" (11 e 12 de abril) na súa septima edición é un evento nado en Vilagarcía e é un escaparate para creadores emerxentes no que profesionales poderán dar a coñecer os seus servicios, produtos e marcas. É un proxecto creado con moita ilusión e creatividade, acompañado da mellor música. Haberá talleres, música, ludoteca e gastronomía.
Vinde este domingo de mañanciña para tomar o vermú con nos e desfrutar deste evento feito con tanto cariño.
http://www.petersroom.es/



  • O xoves 23 de Abril toca honrar a San Xurxo, e como tamén ven sendo tradición, Os Chaneiros farán acto de presencia na parroquia de Mogor en Marín, no día grande das festas do seu patrón. Realizarase un percorrido de mañanciña dos principales lugares de Mogor, e a festa continua coa misa e procesión na igrexa de Mogor, para rematar cun concerto no adro da igrexa.


  • O venres 1 de Maio estaremos en Cantodarea (Cantoarena), Marín de mañanciña. Esta vez, nas festas de San Xosé de Cantodarea no seu día grande e os actos consistirán nun pasarrúas ata cantodarea e, ás 13:00 unha exhibición de bailes de tódalas Asociacións Folclóricas de Marín na explanada de Cantodarea.

E isto de momento, que non é pouco. Iremos informando das seguintes actuacións.
Vinde con nós a desfrutar da música galega e das mellores festas galegas.